معلش ياجماعة اتاخرت عليكم يلابقى لزوم الشغل ع العموم يالله بينا بقى نعرف بقيت اخبار معهدنا الحبيب (حلمبوحة ) اظن وحشكم كتير يالله بقى نكملكم بقيت الناس الحلوة اللى فى حلمبوحة وتعالوا بقا بما اننا عرفنا الادارة يالله بقى نعرف نعرف الاداريين عشان تبقى كدة الادارة اكتملت وكل حاجة طبعا بنبدا فيها بالراس الكبيرة وحبدالكم بالراس الكبيرة وده بقى ياجماعة شخصية ملهاش حل بيستمد قوته من انه فاهم اوى والناس اللى معاه مش فاهمة حاجة وده بقى على الرغم من كدة شخصية لذيذة برضه وده اسمه بقى (برايز) لانه طبعا بيظبط الناس كلها وطبعا انتو فهمين الوسائل المساعدة اللى هو بيديها للموجهين وعشان كدة اول ما الموجه يجى يسال على طول على اخونا (برايز) وانا اسال ليه لحد ماعرفت السبب واذا عرف السبب بطل العجب نيجى بقى على الادارى التانى وهو من عينة الوكيل (شلتوت)ولكن ده بقى ياجماعة مش عارف اشتغل ازاى وهو مسئول العهدة فى المعهد وده اشتغل لغاية اما تفرج بس احلى حاجة فيه انه بيحب شغل المحارة عشان كدة بقى مشهور (المعلم هرم)والحمد لله اهو لاقاله شغلة ياكل منها عيش مش ادارى وادينا بنكمل مع بعض الادارة اللذيذة دى ونيجى بقى على (الاخت الافغانية ) ودى بقى تحسسك ان هى اللى بتشتغل والناس كلها ما بتشتغلش مع انها برضة من نوع (الكفتجية )وطبعا المعنى مفهوم وهى اصلا مبتجيش واما تيجى تقول اصلا نظرى ضعيف وطول النهار شغالة و_______و_____ وكمان اليومين دول طلعة تتكلم فى الدين وعاملة فيها الشيخة (صباح )المهم نيجى بقى ل(بهانة ) ودى بقى ياجماعة مسئولة شئون الطلاب فى المعهد ودى بقى تمتزج فيها الطيبة بالسذاجة المتناهية لانها بتصدق اى حاجة زى (امينة) مرات سى السيد دم الاداريين بزمتكم مش ناس لذيذة انتظرونى ومتروحوش بعيد